మెగాస్టార్‌ చిరంజీవి 60వ
పుట్టినరోజు వేడుకలకు బాలీవుడ్‌, కోలీవుడ్‌ నుంచి ప్రముఖులను ఆహ్వానించారు.
హైదరాబాద్‌లో శనివారం ఒక హోటల్‌లో వీటిని నిర్వహించేందుకు భారీ ఏర్పాట్లు
చేస్తున్నారు. వీటికి బాలీవుడ్‌ సూపర్‌స్టార్‌ అమితాబ్‌ బచ్చన్‌, ఆయన భార్య
జయాబచ్చన్‌, సల్మాన్‌ ఖాన్‌, అతడి కుటుంబ సభ్యులు, కోలీవుడ్‌ సూపర్‌
స్టార్‌ రజనీకాంత్‌, శ్రీదేవి, బోనీ కపూర్‌, టబూ, అందరినీ ఆహ్వానించారు.
ఇందుకు సంబంధించి ఏర్పాట్లను చిరంజీవి తనయుడు రాంచరణ్‌ దగ్గరుండి
చూసుకుంటున్నారు. ఈ వేడుకల్లో ఏర్పాటుచేసిన వంటకాల్లో ‘చిరంజీవి దోసె’
ప్రత్యేక ఆకర్షణగా నిలవనుంది. దీనిపై హక్కులను పొందేందుకు సన్నాహాలు
చేస్తున్నామని, ఇక నుంచి హోటళ్లలో ఆ పేరుతోనే దోసెను అందుబాటులో ఉండేలా
చేస్తామని ఈ ఏర్పాట్లు పర్యవేక్షిస్తున్న ఒకరు తెలిపారు.
No comments:
Post a Comment